Shillong, Jymmang 20 : Hynnin ka sngi ki lai ngut ki rangbah na ka shnong Sabuda kiba la shah kem ha ki pulit jong ka jylla Assam ha u bnai Iaiong mynta u snem, u bah Barson Lawai, bah Standing Khriam bad u Bah Dispar Mukhim kila lait jamin na ka jingshah set phatok ha Assam.
Katkum ka khubor ba la ïoh mynta ka sngi la ïathuh ba kitei ki lai ngut ki rangbah kiba la shah kem ha ki pulit Assam halor ka jingshah kynnoh ba kila donkti ha ki jingïahuri hura ha katei ka shnong Sabuda ki la lait jamin hynnin ka sngi..
Na ka liang jong ki bor synshar District jong ka Ri Bhoi District ki la pynpaw ba ki la ïoh sngew ba kitei ki lai ngut kiba la shah kem ha ki pulit jong ka jylla Assam kila lait jamin hynrei haduh mynta kam shym pat don kano kano ka jingpyntip ba ki la lait.
