Shillong, Rymphang, 14 : Ka BJP Meghalaya Pradesh ka la pynkhreh ïa ka Labharti Sampark Karyakram ne ka prokram kaba pynthikna ba ki paidbah nongshong shnong ka jylla ki lah ban ïoh jingmyntoi na ki skhim bapher bapher ka Sorkar Pdeng.
Ha ka jingpynkhreh ïa kane ka prokram ha ophis treikam jong ka party, la sakhi lang da u Incharge jong ka BJP North East u Avinash Koli uba peit ïa ka Lambharti program, u State President ka BJP u Rikman Momin, u General Secretary Bah Everist Mrysing bad ka State Convernor na bynta ka Labharti ka Kong Euneescy Khyriem, u Convernor na Tura na ka bynta ka Labharti u Adamkid Sangma.
Ka jingmut jong kane ka prokam ka long ban pynwandur bad ban pyntikna ba ki paidbah jong ka jylla Meghalaya kin ïoh jingmyntoi na ki skhim bapher bapher ka Sorkar Pdeng bad kin ïoh jingmyntoi pura lyngba ka jingsam ïa ki skhim bad ban peit ruh ïa ka jingïohnong jong ki paidbah ka jylla lyngba kane ka prokram.
Ka BJP Meghalaya ka la thung ïa ki nongtrei hapoh ka jylla ba kin leit sha manla ki thliew iing ha ki district jong ka jylla ban wad jingtip ne ïoh jingtip na ki nongïohbhah.
