11 klur mynjur ka NEC ban shna pynbha ïa ka Ïewduh
![](https://mawphor.com/wp-content/uploads/2023/08/iewduh-bara-bazar-2.jpg)
Shillong, Rymphang, 8: Ka North Eastern Council (NEC) ka la ai jingmynjur ban mang pisa T.11 klur na ka bynta ban shna pynbha ïa ka Ïewduh, kaba long ka kad khaii kaba la rim tam ha kane ka jylla.
Haba pyntip ïa kane ha ka sngi Palei, u Secretary ka NEC u K. Moses Chalai u la ong, “ngin sa shna pynthymmai ïa ka Ïewduh. Ngi la ai jingmynjur hynrei ïa ka pisa ym pat pyllait.”
Ka NEC ïa mynta ka dang bishar ïa ka Detailed Project Report (DPR) na ka bynta ban pynbhabriew ïa ka Ïewduh.
U la ong ba kane ka projek kan kot kumba T.11 klur.
U Chalai u la pyntip ba ïa ka pisa la khmihlynti ban pyllait haopoh ki ar ne lai bnai ban sa wan bad ka Sorkar Jylla ka dei ban pyntreikam noh mardor.