Shillong, K’Lyngkot 04 : U National Vice President ka BJP ba peit ïa ka Meghalaya ha ka sngi Palei u la ong ba haduh mynta ym pat don satia mano mano ruh ba wan ïathuh ne wanrah khubor ba u Myntri Rangbah barim ka jylla, Dr. Mukul Sangma u kwah ïasoh sha ka BJP.
Haba kren bad ki lad pathai khubor, u Dr. Ao u la ong, “Ym pat don mano mano ruh (na ki briew u Dr. Mukul Sangma) kiba wan ïathuh. Kane ka lah ban long ka jingkren tang ha lyer.”
Shuh shuh u ong ruh ba na ka liang ka BJP ka khlem leit ban khroh ïa u Dr. Mukul ban wan sha ka party.
“Kam don satia kano kano na ka liang jongngi, namar ka shong ha u lada u kwah ban wan u lah ban wan ïasoh bad lada um kwah ka shong ha u hi ym dei ka BJP,” bynrap biang utei u heh BJP.
