Shillong, Jymmang 8 : U bah Sanbor Shullai MLA jongka 19 South Shillong Constituency bad myntri jongka sorkar jylla ba peit ïa ka Art and Culture u la leit jurip ïa kiba bun ki jaka ha ka 7 tarik mynta u bnai da kaba ula sdang na Cantonment nangta u la leit sa sha Dhobitala Jhalupara bad hadien kata sha Paltan Bazar.
Kane ka jingleit jurip jongu ïa kine ki jaka ka long ban peit ba ka rukom pyntrei ïa ki skhim kan sted kum ka jingshna ïa ka madan ïalehkai bad Children Greenery Park ha Dhobitala, Jhalupara, ka jingshna ïa ki paiñkhana bad ki jaka sum bad kumjuh ruh iak a Children Greenery Park ha Paltan Bazar. ïa kane ka jingleit jurip la synran lang ruh da u Mohan Limu uba dei u rangbah shnong ka Jhalupara Village Council, bah Lamki Kyndiah Rangbah Shnongka Paltan Bazar Village Council, ki dkhot ka Cantonment Board. Ka jingmang na ka bynta kine ki skim kiba dei na ka skhim sorkar pdeng AMRUT bad SUWP jongka sorkar jylla ki long 40 lak tyngka.
La pynlong ruh ka jingïalang ha kane ka jingleit jurip ha kaba baroh ki nongkren ki ai ka jingïaroh ïa u MLA uba la wanrah ïakine ki skhim pynroi kiba kim pat ju ïoh satia ha ki por ba mynshwa.
