Jowai, Jymmang 08: Ka kynhun ïalehkai Cricket jong ka Rising Star kala long ka lahduh haka lympung ‘1st T10 Tennis Ball Knockout 8-Aside Crickets Tournament’ ba ka pynïaid da ka Lion Sports and Youth Affairs (LSAYA) Jowai, ha madan Biar Skul ka Lion Mission Compound Dorbar Shnong Jowai.
Ïa kane ka lympung la wan ban pynhap pyrda da u kongsan MLA ma Wailadmiki Shylla kum ku kongsan ha ryngkat ka jingïadonlang u MDC ma Saron Paswet, MDC ba shusieh (Nominated) ma O. Lamin, ma P. Lyngdoh, ma Sunday Morning Tariang, ki nongkitkam ka LSAYA lem bad kiwei de.
‘Ka jingthmu ban pynlong ïa kane ka jingïalehkai Cricket ka long shi bynta ban ai lad ïa ki khun samla ba kin ïoh lad ban ïashim bynta ha kum kane ka jingïalehkai Cricket, khnang ba kin lait na ki jingmlien ba sniew bad ka long ruh kum ka lad ban ïoh ïa ka bor met kaba koit ba khiah’.
Ha kane ka jingïakhun phainal la wan ban aireng da ka kynhun Rising Stars pyrshah ïa ka Nios Sports Club, ha kaba ka Nios SC kala jop ïa ka jingkynting pisa bad kala jied ban bol nyngkong. Na ka liang Rising Stars kala lah ban buh ïa ka Target haduh 174 run.
Ki rangïalehkai ka Rising Statrs kiba la lah ban kamai run bha ki long u Rijesh Lytan, uba la ïoh 68 run na ki 25 ball. U Deibormi Rngad ula ïoh 42 run na ki 15 ball bad ula ïoh ban khur haduh 4 wickets.
Haba wan ban beh ïa ka thong ka kynhun ïalehkai jong ka Nios Sport Club kala lah ban poi tang 98 run bad kala duh noh baroh ki Wickets hapoh ka 9 over. u Roskil Challam ula ïoh kamai haduh 55 runs na ki 15 ball. Kumta ka Rising Stars kala jup da 75 runs.
Ïa ka Man of the Series la ïoh da u Deibormi Rangad uba la kamai 247 runs bad 9 wickets ha kane ka Tournament.
