Shillong, Nailar 28 : U Myntri Rangbah duh, u Narendra Modi mynta ka sngi u la sam palat 51,000 tylli ki shithi thung kam sha kiba shah thung kam thymmai lyngba ka video conferencing. La pynlong ïa ka Rozgar Mela ha 45 tylli ki jaka ha kylleng ka ri.
Lyngba kane ka Rozgar Mela, ka Tnat Kam pohïing jong ka Sorkar Pdeng ka la pynrung kam ha ki Central Armed Police Force (CAPF) bapher bapher kum ka Central Reserve PoliceForce (CRPF), Border Security Force (BSF), Shashtra Seema Bal (SSB), Assam Rifles,Central Industrïal Security Force (CISF), Indo Tibetan Border Police (ITBP) bad Narcoticscontrol Bureau (NCB) kumjuh ruh ka Tnat Pulit jong ka Delhi. Kiba shah thung kamthymmai, kidei kiba la jied na kylleng ka ri, bad kin ïasoh bad ka kam ha ki kyrdan bapher bapher kum Constable (General Duty), Sub-Inspector (General Duty) bad ki Non–General Duty Cadre ha ki kynhun bapher bapher hapoh ka Tnat Kam Pohïing jong ka Sorkar Pdeng.
Ha ka jingai jingkren ha ka jingïalang, u Myntri Rangbah duh u la ai khublei ïa kiba shah thung kam thymmai na ka bynta ka jingshah jied jong ki kum ki ‘Amrit Rakshak’ ha ka Amrit Kaal. U la khot ïa ki kum ki ‘Amrit Rakshak’ namar ym tangba kin ai jingshakri ïa ka
ri hynrei kin ïada ruh ïa ka ri bad ki briew jong ka. “Phi long ki ‘Amrit Rakshak’ jong kane ka ‘Amrit Kaal’”, la ong u Myntri Rangbah duh.
U Myntri Rangbah duh u la ban ba kane ka bynta jong ka Rozgar Mela ka jïa ha ka por haba ka ri ka dap da ka jingsngew sarong bad ka jingskhem jingmut. U la ong ba ka Chandrayaan 3 bad Pragyan Rover ki ïai pyni ïa ki dur ba thymmai jong u Bnai. Ha kane ka por kaba kyrpang, u Myntri Rangbah duh u la ong ba kiba shah thung kam thymmai ki sdang ïa ka jingïaid lynti ba kongsan tam jong ki ha ka jingim bad kitbok kitrwïang ïa baroh kiba shah thung kam thymmai bad kiba haiing jong ki.
U Myntri Rangbah duh u la ban jur ïa ka jingkitkhlieh kaba wan bad ka jingshah jied ha ka kam ïada ri lane jingshngain bad ki kynhun pulit bad ong ba ka Sorkar ka la shimkhïa bha ha kaba ïadei bad ki jingdonkam jong ki kynhun shipai. U la kdew ïa ki jingkylla kiba khraw ha ka jingpynrung kam ha ki kynhun paramilitary. Ka rukom pynrung kam ka la long kaba sted naduh ka jingthep haduh ka jingjied ba khatduh, la pynlong ïa ki eksamin ha ki ktien tynrai. U la pyntip ruh shaphang ka bhah ba kyrpang na ka bynta ki samla na ka thain khappud bad ki jaka ba shah ktah ha ki kam jong ki lehnoh.
Katba hangne ha nongbah Shillong u Myntri Khynnah jong ka Sorkar Pdeng ba dei khmih ïa ka Tnat Micro Small and Medium Enterprises (MSME), u Bhanu Pratap Singh Verma u la ïashim bynta ha ka Rozgar Mela ba la pynlong ha Headquarters jong ka Directorate General of Assam Rifles ha Laitkor, Shillong ha kaba u la sam ïa ki shithi thung kam sha kiba shah thung kam thymmai hadien ka jingai jingkren jong u Myntri Rangbah duh. 218 ngut kiba shah thung kam thymmai ki la ioh ïa ki shithi thung kam jong ki ha ka bynta kaba 8 jong ka Rozgar Mela ba la long ha nongbah
Shillong mynta ka sngi.
Haba pynpaw ka jingsngewkmen jong u na ka bynta ka jingjop ka jingpynlong ïa ka Rozgar Mela, u Myntri Khynnah jong ka Sorkar Pdeng u la ong ba ka kam ka dang ïaid shaphrang ban ai 10 lak tylli ki kam sorkar sha ki samla ha ki tnat bapher bapher jong ka sorkar pdeng.
Kane ka long ka sienjam kaba kongsan ban pynurlong ïa ki jingkut jingmut jong u Myntri Rangbah duh, u Narendra Modi ban pynthikna ki lad ioh kam na ka bynta ki samla khlem ka jingïashah shiliang bad jingbamsap. U Myntri u la ïaroh ruh ïa ki sienjam ba la wanrah da ka sorkar ban plie lad ïa ki samla ban ïakhun ïa ki eksamin pynrung kam ha ki ktien tynrai. U la ong ba kane ka sienjam kan ïarap ïa ki samla na ki bynta bapher bapher jong ka ri ban ïaleh ïa ki eksamin namar ïa ki eksamin la pynlong ha 13 tylli ki ktien tynrai ha ka jaka ka ktien Phareng lane Hindi kumba ju long mynshuwa.
