Shillong Nailar 26: Ka 50th Battalion jongka BSF Meghalaya hynne ka sngi Saitjaiñ kala pynlong ïaka jingai jingsumar ei ha Balughat Govt Primary School, District- South West Garo Hills ha kaba palat 200 ngut ki nongpang kila ioh ïaka jingsumar.
Kane ka prokram ai jingsumar ei kadei kum shi bynta ban pynthikna ba ki nongshong shnong ha ki thain khappud kin ioh ïaka jingsumar sukher bad ha kane ka sngi kïal don palat 200 ngut ki nongpang kiba la ioh ïaka jingsumar na ki doctor jong ka BSF bad Community Health Center, Mahendrganj.
Ki shipai BSF nalor ka jingai jingsumar, kila sam ei ruh ïa ki dawai dashin sha kito ki nongpang kiba wan na ki longïing baduk kiba sah ha khappud marjan bad ka ri Bangladesh, kiba kynthup ïaka Balughat, Kalaichar bad Lukaichar.
Ki nongshong shnong bad ki nongïalam shnong kila pynpaw ïa ka jingsngewnguh ïa ki shipai BSF kiba la pynlong ïa katei ka prokram ai jingsuamr ei ïa ki paidbah.
