Shillong, Jymmang 06: Ki nongïalehkai Judo kila pynpaw ïa ka sap ïalehkai kaba la pynshohbiej ïa ki nongpeitkai bad ruh ïa ki kongsan ha ka sngi kut jong ka Meghalaya Games 2022, kaba la pynlong ha Laban Indoor Stadium, ha ka jingsakhi lang u u D.D. Shira, M.C.S Director ka tnad Social Wefare, President ka Meghalaya Judo Association bad kiwei kiwei.
Ka jingïalehkai Judo kadei kawei napdeng ki 19 tylli ki jait jingïalehkai kaba la pynkut noh ha kane ka sngi da kaba sam ruh ïa ki takma ba kynthup naduh takma ksiar, rupa bad rnong sha ki nongïalehkai kiba la ïashim bynta shitrhem naduh ki khynnah bad ki samla shynrang bad kynthei. Ki nongïalehkai kila pynpaw ka mynsiem ba kmen bad khmih lynti na bynta ka lympung ïalehkai kaban wan kaban sa long ha u snem 2023 ha Tura.
