Shillong, Nailar 08: Ka jingïalehkai jong ka lympung U-20 4th Division Football League 2023 ba la pynïaid da ka Shillong Sports Association (SSA) hynne ka Sngi Hat Majai ha madan SSA Stadium First Ground, Polo, Shillong hapdeng ki kynhun kiba na ka thup jong ka Group D, ka la kut ha kaba ka Mawkriah West SCka la ïakhaid bad ka Risa Colony SC, katba ka Pommura ka la khur ïa ka namjop.
Haba phai sha ka jingïalehkai kaba nyngkong hapdeng ka Mawkriah West SC pyrshah ïa ka Risa Colony SC kaba la sdang ha ka por 2 baje nohphaisngi, ka jingïalehkai ka la jam sha kaba kut ha kaba ym shym la don ba lah ban pynkhihjar, kaba la pynlong ïa kine ki ar kynhun ban ïa sam mar shi point.
Haba phai pat sha ka jingïakhun kaba ar kaba la sdang ha ka por 4 baje jan miet, ka Pommura SC ka la khur ïoh ban khur ïa ki lai point hadien ba ka la pynliem da 3 – 0 kol ïa ka Mawnianglah YSC.
Ka namtam ha kane ka jingïalehkai la khur da u AndyStar Kharsati u ba la thep ar kol na ka bynta ka kynhun. ïa kine ki lai kol na ka bynta ka Pommura SC ki la wan lyngba u Kitboklang Kharkongor ha ka minit kaba 32, nangta bud sa ki ar kol na u AndyStar Kharsati ha ka minit 53 bad 66.
Ka jingïalehkai mynta ka sngi kan long ki kynhun na ka thup jong ka Group-A, ha kaba ka Laitlulong SC kan aireng pyrshah ïa ka Umrynjah SC ha ka por 2 baje nohphaisngi, bud sa ka jingïalehkai hapdeng ka Lamlynti (Sohïong) SC pyrshah ïa ka Mawlynrei SC ha ka por 4 baje jan miet, ha SSA Ground, Polo.
