Yn leit ïashimbynta ka MSKDF ha ka All India Independence cup International Karate Championship

Shillong, Nailar 08: Ka Meghalaya State Karate-Do Federation (MSKDF) kaba don ïa ka ophis treikam jong ka ha Kynton-U-Mon kaba don jingïadei bad ka Karate India Organization (KIO) ka la pynkhreh ban leit ïashimbynta ha rynsan jong ka All India 17th Independence cup International Karate Championship ka ban sa pynlong ha Talkatora lndoor Stadium, New Delhi naduh ka 11 haduh 13tarik mynta u Nailar, 2023.
Kumban shu pynkynmaw, ka Karate India Organizations (KiO) kaba la ithuh da ka World Karate Federation (WKF), ka Asian Karate Federation (AKF) bad na ka Indian Olympic Association (IOA) ka la ïoh ban mynjur ban ithuh noh ïa kane ka synjuk napoh ka jylla Meghalaya sha ka Meghalaya State Karate-Do Federation (MSKDF) ka synjuk Karate kaba la register naduh u snem 1993 ha Jowai, hapoh ka jingïalam u Sensei Donny Raphael Ranee (u Black Belt ha ka Karate u ba nyngkong naduh 1984 jong ka Meghalaya) u Sensei Carehome Pakyntein 4thDan Black Belt kum u working President bad u Francis R.R.Songthiang 2″ Dan Black Belt kum u General Secretary.
Ki kyrteng jong ki nongïashimbynta ki ban sa mihkhmat ïa ka Meghalaya State Karate-Do Federation (MSKDF) sha katei ka lympung jong ka All India 17th Independence cup International Karate Championship ki kynthup ïa :- 1) Fullshai Myrboh, Ebhameki Warjri, Daomanmi Mynsong, Jefferson Ryndong, Banshanskhemkupar Nongkhlaw, Pyniohnam Myrboh, Steven .K. Thabah, Wanpynkhraw Marboh, Nakishwa Marboh, Bansahnam Nongbet, Banshanborlang Marbaniang, Kyrshanbor .R. Songthiang, Francis .R. Songthiang, Rijanai Ryndog Lyngdoh, Sesilia Dkhar, Edaka Warjri , Alfinia Warjri, Daka-i- Paka, Banika Marboh , Lavinia Shadap, Espiranza .S. Songthiang.