Jowai, Nailar 08: Ka lympung ïalehkai 3rd U Adelbert Laloo Memorial Trophy jong ka kyrdan 3rd Division Football Tournament 2023, ba la pynïaid da ka West Jaiñtia District Sports Association (WJDSA) kaba la long hynne ka Sngi Hat Majai ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong ka kynhun ïalehkai jong ka Mookaswan Dongneiñ kala pynliem da 2-0 kol ïa New Hill. Ïa ki kol na ka Mookaswan Dongneiñ la thep da u June Shylla haka minit ba 50 & 54 jong ka kylla miet ban khur ïa ka namjop.
Ha ka jingïakhun kaba ar ka Khliehshnong Ialong kala pynliem da 6-0 kol ïa ka Salaroh, ïa kitei ki kol na ka Khliehshnong Ialong la thep da u Sainkiru Pale haka minit ba 4 & 9, u Shanlang Lyngdoh haka minit ba 12 & 45, u Ashiel Pale haka minit ba 14 bad kawei ka kol la kum thep bakla da u Arkini Kyndong (own goal) haka minit ba 20.
Ha ka jingïakhun kaba lai ka Mulang Ialong kala pynliem da 2-0 kol ïa ka Samaro, ïa ki kol na ka Mulang Ialong la thep da u Skhemlngki Pale haka minit ba 42 bad u Rima Pale haka minit ba 62.
Katba ha ka jingïakhun kaba saw ka Madan Thadmuthlong kala pynliem haduh 12-0 kol ïa ka Nangbah Khlopano, ïa kitei ki kol na ka Madan Thadmuthlong la thep da u Precious Tang haka minit ba 7, 16 , 36 & 44, u Mnhok Suchiang haka minit ba 15, 27 & 38, u Samsauru Papiah ha ka minit ba 29 & 39, u Sumar Tang ha ka minit ba 53, u Francis Sumer haka minit ba 62 bad u Phermi Suchiang haka minit ba 63.
