Pynlong ka Mines Safety da ka prokram ai jinghikai halor ka jingshngaiñ ki nongtih par

Khliehriat naitung 22: Na ka liang u Awanish Kumar Mishra uba dei u Director of Mines Safety -Guwahati Region, Guwahatiat Star Cement Limited ha ka 13 tarik mynta u bnai u la khot pynlong ïa ka prokram aijinghikai na ka bynta ki nongpyniaid bad ki nongkhmih ïa ki nongtrei hapoh ki par khyndew (mines) kumjuh na ka bynta ka jingshngaiñ jong ki nongtih par ha ka jingïalang kaba la long ha Lumshnong, East Jaiñtia Hills.
Ha kane ka prokram kaba la neh lai kynta la wan ïashim bynta da ki heh na ka tnat Mining jong ki kompeni bapher bapher kum ka Dalmia Cement, Topcem, Barak Valley Cement limited, Hill Cement na East Jaiñtia Hills District bad kiwei kiwei.
ïa kane ka prokram la wan plie bad aijingpynshai halor ki jingkitkhlieh bad halor ka bynta jong ki nongkhmih jong ki nongtrei hapoh ki par khyndew lyngba u A.K Mishra.
Nalor kata u la pynshai ruh halor kiba bun ki lad jingïada kiba katkum ka juk, ka jingpyntreikam ïa ki SOP bad halor ki jingdonkam jong ki nongtrei par, kata da kaba kyntu ruh ïa ki nongpynïaid ïa ki parkhyndew ba kin khmih halor ka jingshngaiñ jong ki par kiba ki pyntrei.Na ka liang ka kompeni State Cement ruh ka la wan ban ïashim bynt lang ha kane ka prokram.
Na ka liang u Mishra u la ai ruh ka jingkhublei ïa baroh kiba la wan ban ïashim bynta ha kane ka prokram bad pyrto ruh ïa ka Star Cement Limited halor ka jingai ïa ka jingïatreilang na ka bynta ban pynlong ïa ka workshop hapoh ka jaka jong ka State Cement.Katba ïa ka jingkren ai khublei la ïoh na u D.V Ramanayya, HOD-Mines Star Cement Limited.