Nongstoiñ, Jymmang, 03: Ha ka step phyrngap jong ka sngi saitjaiñ, ka erïong ka la khywit ha ki katto katne ki bynta jong ka West Khasi Hills, ha kaba ki paitbah nongshong shnong ki la sngew sheptieng bad her syrngiew shikatdei eh. Ha katei ka jingkhyrwit ka erïong ki don katto katne tylli ki ïing kiba la shah jynrat malu mala ïa ki bynta jong ki tnum hynrei kim pat da julor than.
Kat kum ki khubor ba la ïoh lum la ong ba ha ka shnong Nongdom kaba don hajan ka shnong Mawkynbat, kawei ka ïing jong I kong Kyntiewlin Wahlang ka la shah jynrat bad ka la kyllon hynrei donbok ba ym shym la don mano mano ba mynsaw.Katei ka ïng ka dei kaba dang sop da u phlang bad haba ka erïong ka la khyrwit ki rijied ki la dkut bad ka la kyllon.
Haduh ba thoh ïa kane ka khubor ym shym pat la ïoh jingtip la ki trai jong katei ka ïing ki la pyntip ne em sha u BDO ka Mawthadraishan ba un leh ïa kaba donkam. Kumta la kyntu ïa ki bor ba dei peit ïa ki bor sorkar lyngba ki lad ai jingïarap ïa ki lanot kiba ngat ha ka jingshah lynshop ha ki bor ka mariang, ba kin shimkhia lem ban pynïoh jingïarap kumba ju leh ha ki por ba la dep.
