Jowai, Jymmang 02: Hadien ka jingai por ba lai sngi ban pynbiang ïa ka Network JIO ha kylleng ka Ri-Lum Jaiñtia ka Hynñiewtrep Integrated Territorial Organization (HITO) Jaiñtia Hills mynta ka sngi 2 tarik u Jymmang kala leit ban khang tala shisyndon ïaka office treikam jong ka JIO office ba don ha Jowai.
Na ka liang ka HITO kala pyntip naduh lashai ka sngi kan sa leit khang noh sa ïaki Tower ka JIO kiba don ha kylleng ka Ri-Lum Jaiñtia tad haduh ba kin da pynbiang ïa jingshakri ba biang sha ki paidbah kiba pyndonkam ïa katei ka Network.
Ha kane ka jingleitkhang la ïalam da u Lawyerson War bad u Iomiki Passah, ha ka jingkren u samla Lawyerson War ula ong ba ka seng kan leit ban khang lut kumjuh ïa baroh ki Tower wat ïa kiba dang shna thymmai kumjuh.
Da kaba u ong kan myntoi aiu ïaka tei ka office kan don lada kam lah ban pynbiang ïa network?, ula kynthoh ruh ba ïaki voucher ki pynkiew dor hynrei kim lah pat ban ai ka jingshakri ba biang ïa ki paidbah.
