Tura, Naitung 04 : Uwei u nongtuh masi na Assam uba dang rong tuh ïa artylli ki masi na ka shnong Garo ha West Garo Hills, ula shah bomiap ha ki paidbhur hynnin ka miet Lah Sngi U Blei.
Kane ka jingjia kala jia ha ka shnong Baklagre kaba hap hapoh Selsella.
Une u suba nongtuh u kyrteng u Aynal Hoque ba na Purandiara, South Salmara, Mankachar, Assam. La ïathuh ba une u briew ula wan rung sha kane ka shnong Garo bad pyrshang ban tuh ïa artylli ki masi hynrei ula shah bat noh ha ki paidbah.
Ki paidbhur kiba la bitar ïa ka jingshah tuh masi man ka por, ki la tangon jem ïa u ha ban da iap.
Ki Pulit ki la leit ban shimti noh ïa kane ka metiap bad ki la register case halor kane ka jingjia.
