Saw bnai duh tulop ki Home Guard, phah jingthoh ka VPP sha u myntri

Shillong, Jylliew 28: Ka Voice of the People Party (VPP) ka la phah jimgthoh sha u Myntri ka tnat Home (Civil Defence and Home Guards) ka sorkar jylla u Bah Coming One Ymbon halor ka jingduh tulop ba 4 bnai kynthih ki Home Guard ha ka jylla.
Ha ka shithi ba la phah sha u Myntri, u General Secretary ka VPP u la ong ba kane ka jingpynduh tulop ka sorkar ka long kum ka jingbym kheiñ snep ïa ka jingtrei shitom jong ki Home Guard ban ai jingshakri ïa u paidbah.
“Ka jingshah set tulop ba 4 bani kynthih wat hadien ka jingtrei shitom bad ka jinglen lade ban ai jingshakri hok sha u paidbah ka dei ka jingleh beiñ bad ka jingbym kheiñ snem ïa ka kam kaba ki la leh,” ong u Dr Ricky.
“NA kata ka daw nga kyrpad ba phin shim khia ban peit noh mar mar ïa kane ka mat”, u la bynrap.
Ha kawei pat ka liang Ka VPP ka la phah jingthoh ruh sha ka Myntri ka tnat ka koit ka khiah ka sorkar jylla ka Kong Ampareen Lyngdoh ban dawa ba ka jingai ïa ki sat na ka bhah pule ka sorkar jylla ïa ki samla ba leit pule doktor kan long beit da kaba pynshong nongrim na ka jingpass bha jong ki.
“Ngi kyrpad ba ka jingai bhah pule ïa ki samla na ka bhah jong ka kan dei beit da kaba pynshong nongrim ha ka jingpas bha jong ki bad ba ïa kito kiba kham wan shakhmat ki dei ban ïoh leit pule ha ki jaka pule kiba kham paw ha ka ri”, ong ka shithi ka VPP sha ka mynti.