Nongstoiñ, Ïaiong, 30: Ka FKJGP Nongjri Area Unit, ka la leit ban ïakynduh ïa u SDO PWD road Sonapahar Division ban pynpaw ïa ka jingsngew bynñiaw halor ka jingjot palat ka surok na Riangsih sha Nongjri.
Ha kane ka jingïakynduh jong ka seng bad u SDO, u ne u ophisar u la kular ban sa shimkhia ïa kane ka kam bad ruh ban leh ïa kaba donkam. Namar kane ka surok lah dep mynta hynrei ki dang don ki jaka kiba lah sniew biang. Kane ka wanrah ka jingeh ïa ki nongleit nongwan khamtam eh ïa kiba don hapdeng ka met ba shitom.
Kane ka surok ka long ka budlum ïa kiba bun ki nongshong shnong kiba wan bylla bad wan iew Sha Riangdo. Lada kane ka surok ka biang, kan wanrah ka jingmyntoi kaba khraw ïa ki nongshong shnong.
Ha kane ka sngi la ïa don lang u bah Michael Marbaniang General Secretary FKJGP Nongjri Area Unit, bah Barnabas bad kiwei pat ki dkhot na Nongjri bad ruh lah synran kang da u bah Teilang Nongkseh Vice President bad u bah Eveningstar Marthong General Secretary FKJGP Mawshynrut Circle.
