Shillong, Jylliew, 17: Ka kynhun Search and Rescue Team (SRT) jong ka tnat Fire and Emergency Services, Shillong ha ka sngi Saitjaiñ ki la lap sa ïa ka met jong i khunlung ha ka por kumba 3:30-400 baje janmiet iba la duhei ïa la ka jingim bad san ngut kiwei pat ha ka jinghap kawei ka kali ha ka riat Wah Sohklur kaba don harum Mawsynram, East Khasi Hills District ha ka 13 tarik mynta u bnai.
Kum ban shu pyntip hangne, ka kynhun SRT kaba la ïoh jingtip halor kane ka jingjia ka la trei shitom tad haduh ban da ïoh sei ïa ka met jong ki saw ngut kiba la khladnoh ha riat Wah Sohkhlur ha ka sngi Thohdieng.
Haduh mynta ka kynhun SRT ka dang wad ïa ka met jong ka kmie jong itei i Khunlung kaba dang jah rngai ha ka jinghap jong ka kali hapoh riat bad kaba la pra hi phom.
Katkum ka jingtip ba la ïoh lum la ïathuh ba ki briew kiba shong hapoh kane ka kali ki dei kiba sah ha ka shnong Thieddieng, Mawsynram.
