Ki don bun ki khynnah kiba ju mad ka jyrhoh, suhkhriat ha manla ka jingkylla ka aïom. Ki don bun ki daw kiba lah ban wallam kine ki jingshitom. Napdeng ki katto katne ki daw ki kynthup na ka jinglong pui pui, ka lyer jaboh, ki phlia jakhlia bad ka jinglong alerji na ki mrad ba ri ha ïing. Ka jinghiar ka jinglong syaid ruh ka lah ban long ka daw halor ka jingwallam kane ka jingshitom. Ki khynnah ki long kiba kham hakhmat halor ka jinglah ban ngat ha ka jingshitom manla ka por.
Ki lynti kiba phi lah ban tehlakam kine ki jingshitom : Kaei kaba phim dei ban leh : Phim dei ban kiar na ki nongsumar ïa ki khyllung : Phim dei ban pynslem halor ka jingleit pyni doctor ïa ki khyllung lada ki sakhi halor ka jyrhoh bad ïoh baïongkhlieh. Ïathuh ha ki doctor halor ka jingdon lypa ki dkhot bahaïing kiba ju paw ba don hapdeng ka jinglong alerji. Phim dei ban sangeh ka jingdih dawai katba ym pat bthah u doctor.
Phim dei ban sangeh halor ka jingpyndonkam ki inhaler ne ki nebulisation : Ki ‘inhaler lane ki nebulisation kim dei satia kiba paw ba ki long ki daw halor ka jingmlien kine ki kham pynslem halor ka jingbanbor ka jingshitom bad kham ai jingmyntoi ha ka jingim kumta katba ym pat bthah u doctor phim dei satia ban sangeh noh ka jingpyndonkam ïa ki.
Kiar ban buh ki tiar kiba pynjur ka jinglong pum pum : Lada ki khun ki sakhi ba ki ju don ka jinglong alerji na ka jingkylla ka aïom phi donkam ban weng noh baroh ki jinglehkai kiba long jem na ka karma jong ki. Pynthikna ban pynduna ruh ka jingdon ki rug ha la ïing. Phim dei ruh ban buh ki cushion, ki syngkhlieh kiba don ki kynja shñiuh kine baroh ki pynjur ka jingshitom.
Sangeh ban leh ki kam ba paw ba don jingïadei bad ka jinglong alerji : Ngi ju sakhi ba don saw aïom ha ka shisnem bad lada lah ban ithuh kien ki dak jingshitom ka lah ban ai jingmyntoi shibun. Kiar ban airong ïing, ka jingpyn trei ki kam dieng ha kum kine ki por ba don ka jingkylla ka aïom.
Kaei kaba phi donkam ban leh :
Pynthikna ba ki khun jongphi ki bam kumba 2 ne 3 tylli u soh, kham bun ki soh citrus bad ki soh kiba ïoh katkum ka aïom, ki jhur bad bun ki jingbam symbai ha ki jingbam ba phi bam manla ka sngi bad ban kynthup bun ki jingbam kiba don ki vitamin bad ki mineral kiba lah ban ai jingïada na ka bynta u Tor, kita ki long kum :
Vitamin A : U Kajor bad Pathaw
Vitamin C : Ki soh citrus
Vitamin D : Phi lah ban dih dawai lada btha ki doctor
Zinc : Baroh ki jingbam symboh , ki soh ehsnep bad ki shyieng symbai kum u symbai diengtluh
Ki soh ba eh ka snep ki dei ki soh kiba ïarap lada don ka jinglong alerji, kumta ka long kaba bha lada phi kynthup ban bam kine ki soh. Nangta ka jingpyndonkam da ki tiar pynkhuid lyer ka lah ban ïada na ka jinglong alerji. Barabor pynthikna ban pynduna ka jingset khmut jong ki khynnah da kaba pyndonkam da jingsuit khmut bad ka jingring mynsiem da ka tdem um khluit.
