U Jingjang D Shira u Chief Executive Director ba thymmai ka GNLA ïathuh kiba phah WhatsApp

Shillong, Jymmang 27 : Kat kum ka khubor ba la phah da ka WhatsApp na u briew u bym lah ban ithuh la ïathuh ba u Jingjang D Shira u dei u Chief Executive Director (CED) ba thymmai ka Garo National Liberation Army (GNLA) bad ki don 500 ngut ki dkhot jongka kiba hikai pyntbit ha Rengdim West Khasi Hills khappud ka East bad South Garo Hills.
Une u briew ba phah WhatsApp uba kam ba u dei u Shira u la phah ruh bad ki dur ha kaba u la phah ruh bad ka dur bad ïathuh ruh ba uba phong da ki riam commando bad teh jaiñ ïong u dei u Jingjal bad utei pat uba kup towel jyrngam u dei u Nengsrang Sangma uba dei u Secretary ba thymmai ka GNLA bad uba dei ruh u second incharge.
Lah ban pynkynmaw ba u Myntri Rangbah hadien ba u la ïohi ha ki kot khubor bad social media ïa ka jingpynkhie im ïa ka seng GNLA u la pan ïa ka kaiphod na ki bor pulit.
Halor kane na ka liang u DGP u la bthah ïa ki SP jong baroh san tylli ki District ha ri lum Garo ba kin tohkit halor kane ka khubor bad ban phah ïa ka kaiphod sha u hapoh shitaiew.
“ Baroh ki SP ki dang pynthikna ïa kane ka khubor ha la ki jong ki jong ki district bad ki tang shu dep kin sa phah ka kaiphod sha nga bad hadien kata ngin sa rai ban leh ïa kaba donkam” ong u DGP u LR Bishnoi.