Nongpoh, Jymmang 18: Uwei u samla ba dang 24 snem ka rta na ka jylla Assam u la ïap noh syndon hashen hadien ba ka thuk thuk kaba u ñiah kala kylla ha kawei ka jaka ba kham khongdong ha Shangbangla hajan ka NRL Petrol Pump, haka por ba u dang thmu ban leit phai shala ïing.
Katei ka jingjia kala jia hynnin ka miet haka por 9 duna eiei, bad katkum ka jingtip bala ioh lum la ïathuh ruh ba u tei u samla bala tip kyrteng kum u Bishal Borah (24) na Kahilipara Guwahati ua dang leit phai shala ïing hynrei hamar ba poi ha katei ka jaka ka thuk thuk kaba u ñiah kala kylla bad syntuid naka jinghap slap, bad thiah lyngtar hapdeng ka jingmynsaw jur ha surok, bad namar ka jingmynsaw jur utei u samla u la khlad noh shuwa ban poi ha Civil Hospital Nongpoh ha kaba ki doctor kila pynbna ba u la khlad noh na katei ka jingmynsaw.
Na ka liang ki pulit ki dang pynlong ka jingtohkit halor katei ka jingjia khnang khang ban tip ia ka daw tynrai kaba u la leit ban kyllon da katei thuk thuk kaba u ñiah hi da lade.
