Shillong, Jymmang 14: Ka jingai por ka jong ka Vice of the People Party (VPP) ïa ka sorkar jylla ban pynsahngeh shuwa shipor ïa ka jingpynrungkam ha baroh ki tnad sorkar lyngba ka Reservation Policy katba ym pat lah ban pynthymmai ka la kut noh ha ka sngi U Blei.
Haba u Mawphor u ïakren bad u president ka VPP u Bah Ardent Basaïawmoit ban kylli ïa ki rai ka party ha kaba ïadei bad kane u Bah Ardent u la ong, “Ngi la ai por 48 kynta ïa ka sorkar bad ngim ïohi ba kan sngap ïa ka jingdawa jong ngi bad na ka liang jong ngin kumba ngi la pynbna ha kato ka sngi ba ngin pynlong ïa ka jingïakhih kaba tyngeh lada ka sorkar ka kuman bad ha ka sngi Nyngkong ngin pynbna ïa kaei ka sienjam ïakhih kaba ngin shim”.
Lah ban kdew hangne ba ka VPP ha ka sngi Thohdieng ka la leit ban ai ïa ka dorkhas sha ka sorkar ban dawa pynsahngeh shuwa ïa ka jingpynrungkam katba ym pat lah ban pynbeit thymmai ïa ka Reservation Policy ha kaba na ka liang ka party ka la ai por ruh 48 kynta halor kane ïa ka sorkar.
