Îaid shaid shaid ki jingpynkhreh ban pynlong îa ka Provisional Synod Pdeng kaba jop ha Mawpynthih

Shillong, Lber 14: Ka Balang Presbyterian Mawpynthih kan pdiang pynlong ïa ka jingîaseng ka Khasi Jaiñtia Presbyterian (KJP) Provisional Synod Pdeng kaba nyngkong naduh ka 17 haduh ka 19 tarik bnai Lber 2023 ha Mawpynthih bad ki jingpynkreh na ka bynta ban pynlong ïa kane ka jingthmu kaba jop ki la ïaid shaid shaid.
Ka jingpynlong ia ki jingiaseng kin long ha ka madan kaba la pynkhreh bha kaba don marjan bad ka ïingmane ka Balang Presbyterian Mawpynthih.
Ha ka 11 tarik u Lber, 2023, ki nongkitkam ka Balang ha ki la pynlong ka jingïamir jingmut na ka bynta ki jingbthah ia ki nongwan jingïaseng ha kitei ki lai sngi nalor kiwei pat ki prokram jingîaseng ha kaba la ïa donlang da u Rev.TS Wankhar, u Bah S Kharmawphlang, ki Tymmen Basan nalor kiwei pat.
Ka  Balang ka la pyntip ba ha ka 19 tarik u Lber, 2023 ka jingïaseng paidbah kan sdang ha ka por 10:30 mynstep bad u nongkren un dei u Rev RH Lyngkhoi nangta ha ka por 1:30 mynsngi ha kaba u nongkren un dei u Rev SS Majaw.
Na ka liang u Rev TS Wankhar,  Pastor Incharge ka Balang Presbyterian Mawpynthih u la pynpaw ka jingai khublei ïa baroh kiba la wan sha khmat ban iatreilang bad ka Balang na ka bynta ka jingpynkhreh ia kane ka  jingîaseng Synod Pdeng.