Shillong, Ïaiong, 17: U National General Secretary ka All India Trinamool Congress (AITC) Abhishek Banerjee un sa wan iuhkjat ha Meghalaya ha ka 3 bad 4 tarik Jymmang ban pynkhlaiñ ïa ka Party sha ka elekshon MLA 2023.
Kum ka jingpynkhreh ïa ka elekshon, ka AITC kala sdang ban thaw mynta ïa ki Shnat treikam ha ki Block jong ki Constituency bapher bapher.
Dang shen u President ka Meghalaya Pradesh Trinamool Congress (MPTC) Bah Charles Pynrope, u Nongïalam ka Parliamentary Party (PP) Dr Mukul Sangma bad Vice President James Lyngdoh, dang shen kila leit sha Kolkata bad ïakynduh ïa ki Heh Nongïalam jong ka Party.
Ka tyllong khubor na ka AITC ka ïathuh ba kane ka jingïakynduh jong ki Nongïalam naMeghalaya ka dei eh halor ka jingpynkhreh ïa ka elekshon MLA 2023.
Ka AITC kala pynkhamti ha u Manas Bhuiya bad Sabyasachi Dutta ban khmih ïa ka jingpynkhlaiñ ïa ka Party ha Jylla Meghalaya.
