Jowai, Ïaïong 17: Ka lympung ïalehkai phutbol ba la tip kum ka ‘2nd U Adelbert Laloo Memorial Trophy’ jong ka kyrdan 3rd Division Football Tournament 2022 ba la pynïaid da ka West Jaiñtia District Sports Association (WJDSA) kaba la long ha kane ka sngi saitjaiñ 16 tarik u Ïaïong ha madan Kiang Nangbha Stadium Jowai.
Ha ka jingïakhun ba nyngkong na ka liang ka kynhun ïalehkai jong ka Catholic Youth Mihmyntdu kala jop da 2-0 kol pyrshah ïa ka Mupliang bad ïa katei ki kol na ka Catholic Youth Mihmyntdu la theh da u Pyniaid Shadap ha ka minit ba 45, u Firsterborn Talang haka minit ba 53.
Ka jingïakhun ba ar kala long hapdeng ka Pamanik pyrshah ïa ka Tpep-Pale, na ka liang ka kynhun ïalehkai jong ka Pamanik kala jop da 4-2 kol, ki rangïalehkai jong ka Pamanik kiba la theh kol ki long u Emlang Pakma ha ka minit ba 8 & 14, u Heilangki Suchiang ha ka minit 16 bad u Dawan Pakma ha ka minit ba 33. Na ka liang ka Tpep-Pale ïa ki ar kol la thep da Wansani Pakma ha ka minit ba 22 bad u Redulent Challam ha ka minit ba 26. Katba ha ka jingïakhun kaba lai bala wan ban aireng hapdeng ka Lumbhahdakha Wahiajer pyrshah ïa ka Mookaswan Dongnein, ha kane ka jingïalakai kala long kaba kham noh shilliang ha kaba ka khunhun ïalehkai jong ka Lumbhahdakha Wahiajer ka la jop da 6-0 kol bad ïa kitei ki kol la theh da u Heimonmi Dkhar ha ka minit ba 13 & 70, u Gideon Mukhim ha ka minit ba 34 & 60, u Clever Lyngdoh bad u Kamwamut Pakem kila ïoh thep mar ar kol ha ka minit ba 39 bad ka minit ba 80+2.
Ka jingïakhun lashai ka sngi nyngkong jong ka 18 tarik kan long hapdeng ka Pateinki Sabah pyrshah ïa ka Khliehmyntdu Neinchnong ha ka por 11 baje mynstep, ka Saindur Mihmyntdu pyrshah ïa ka Khliehmuchut Shangpung ha ka por 1 baje nohphai sngi bad ka Mawsiang FC Nongkhroh pyrshah ïa ka Iong-I dahi FC haka por 3 baje janmiet.
