Wat tuklar ïa ki kam pohïing ka Congress shah maham ïa u Chuba Ao
![](https://mawphor.com/wp-content/uploads/2022/05/mawphor-1-1.jpg)
Shillong, K’lyngkot 28 : Ka Congress mynta ka sngi saitjaiñ ka la maham ïa u Nongïalam ka BJP ba khmih ïa ka Meghalaya M Chuba Ao ba um dei ban ban tuklar ïa ki kam pohïing jong ka party Congress.
pyllut por ïalade ha ka ban pynjanai ïa ka jingtreikam jong ka party lajong (BJP)” ong u Dr Omarlin Kyndiah, President ka Shillong City Congress Committee ha ka kyrwoh.
U Dr Omarlin ula kynthoh ïa kane halor ka jingkam u Chuba Ao ba ka Congress kan jop tang na ki lai ne saw tylli ki constituency ha kane ka elekshon ban wan.
U Dr Omarlin ula ong “Nga ngeit ba ka BJP kala shemphang na kaei kaba jia ha ka elekshon bala dep kata ka long ban burom ïa ki nongrim jong ka Riti Synshar ka Ri bad ban leh eiei pyrshah ïala ki dkhot kiba pynkheiñ”.
“Watla u Chuba Ao ula pynpaw ïa ka jingsngewskhem ba ka Party kan leh bha ha kane ka elekshun hynrei kane ka long pyrshah ïa ka jingkheiñ antad jong u President ka BJP Meghalaya Ernest Mawrie. La i kumba u Ao bad ka BJP ki don hapdeng ka jingbym thikna ïa kaei kaba ka BJP kan long ha kane ka elekshon ha Meghalaya. Kane ka pynlong ïa ka BJP kum ka party “kaba ki nongïalam dang don hapdeng ka jingartatien”.
Ha ka sngi Thohdieng, u Ao ula ong ba ka jinglong jingman jong ka Congress ha Meghalaya kam long satia kaba ibiang.
“Ki (Congress) shym ïoh satia ïa ki kyrtong kiba biang ban pynïakhun bad ki lah ban jop tang na lai ne saw tylli eh ki constituency kat kum ka jingkheiñ antad jong ngi” ula ong.