Shillong, Nohprah, 17: Ka Hynñiewtrep Achick National Movement (HANM) ka la khot ïa ka jingïalang jong ka Central Executive Committee (CEC) kan ban long ha ka 22 tarik mynta u bnai ban ïakren ïa ki mat jingdawa jong ka jaidbynriew bad kiwei kiwei ki mat kiba donkam.
Ïa ki mat ban ïa kren yn sa pynsngew da u President ka Seng Kmie u Bah Lamphrang Kharbani ha ka jingïalang. Kumba la bthah ïa baroh ki President bad ïa ki Secretary jong ki shnat treikam kiba don ha kylleng ka jylla ban poi sha katei ka jingïalang ba kyrpang bad ba kin shim ïa kane kum ka jingpyntip.
La pyntip ba ka jingïalang jong ka CEC kan long ha ka por 11.00 baje mynstep. Kane kan long ruh kum ka dorbar kut snem jong ka seng.
Ha kane ka CEC yn ïakren tang ïa ka kam kaba dei bad ïa ki mat kiba ktah ïa ka jaidbynriew, ong u kyrwoh kaba la phah da u President ka HANM Seng Kmie u Bah Lamphrang Kharbani.
