Shillong, Naiwieng: Ka Education Branch jong ka Kur Soo Kpoh Khadar Wyrnai Jowai kan pynkup burom bad sam khusnam sha kito ki khun jong ka Kur kiba pass bha ha ki eksamin bapher bapher jong u snem 2020, 2021 bad 2022.Ia kane ka khusnam yn sam ha ka jingïalang jong ka Kur ka ban long ha ka ïing jong ka Kur ha Chiliangraij, Jowai ha ka 17 tarik u Nohprah 2022.
Kumta la kyrpad ïa ki para Kur kiba shong ba sah ha Shillong, kiba pass bha ha ki eksamin jong ki bad kiba ioh 75% shalor ha ka SSLC/ICBSE/CBSE, 75% HSSLC (Science), 70% ha ka HSSLC (Arts & Commerce), Ist Class ha ka Degree Level, Ist Class ha ka Post Graduate Level bad Gold Medalist ha kino kino ki jingpule ba shalor ba kin pynpoi ïa ki form sha u President ne General Secretary jong ka Kur Soo Kpoh Khadar Wyrnai, Shillong Branch ha lane shwa ka 23 tarik mynta u bnai. Kane ka long katkum u kyrwoh lyngba u Bah Kyrshan War President bad A.Lakiang, General Secretary jong ka Kur.
