Shillong, Risaw 23: Ka Tnad Pla Tyngka jong ka sorkar Meghalaya ka la pynmih ïa ka hukum ba ïa ka bai leit bai wan jong ki ophisar bad kiba thung shipor ban trei bad u myntri rangbah ka jylla yn siew noh na ka ophis Chief Minister secretariat.
Ha katei ka jingpynbna sorkar la kren shai ba namar ka jingdon kam kyrkieh jong ka kam, la shah ruh ïa ki nongtrei kiba don bad u myntri rangbah ka jylla ba ki lah ban leit da ka liengsuiñ halor ka jingbit kaba la ai na ka ophis jong u Chief Minister Secretariat khlem da hap phah sha ka tnad pla tyngka (AF) ban ïoh ïa ka jingbit.
“ïa ka bai leit bai wan jong ki ohisar bad ki briew kiba la thung ban don bad u Myntri Rangbah ka jylla wat la ki dei na kano kano ka tnad sorkar yn siew na ka ophis Chief Minister Secretariat.
Katba ïa kito kiba trei bad u mytnri rangbah kiba shu trei kontrak kiba ïoh ïa ka tulop jong ki kumba la buh ïa ka bai leit bai wan jong ki yn buh da ka ophis ryngkat ka jingbit lang na ka tnad pla tyngka ka sorkar jylla. Katei ka hukum sorkar kala treikam naduh ka sngi ba mih kane ka jingpynbna sorkar.
