Ha ka jingïashut penalty rem ka kynhun U-17 ka Meghalaya ha ka Subroto Cup

Shillong, Risaw 09 : Ka kynhun ïalehkai phutbol U-17 ka Meghalaya ba la mihkhmat da ka St. Anthony’s Higher Secondary School ka la rem noh ha ka Nagaland lyngba ka jingïashut penalty ha ka lympung ïalehkai Subroto Cup.
Ka jingïalehkai ka long kaba mar ïakhaid bha, ka Meghalaya ka la ïoh ban pynkhih jar nyngkong ha ka minit ba 68 hynrei ka la shah pynphai kol. Haduh kaba kut jong ka jingïalehkai baroh ar ki kynhun ki khlem lah ban ïathep kol kaba la rah pat sha ka extra time.
Ha ka extra time, ka Meghalaya ka la lamkhmat biang hynrei ka Nagaland ka la ïoh ban pynïakhaid biang ha kaba ka jingïalehkai ka la kut noh da 2-2 kol. Kumta la rah noh syndon sha ka jingïashut penalty bad dei ha kaba ka Meghalaya ka la rem noh.
Ka kynhun ïalehkai jong ka Meghalaya naduh ki U-14 jong ki shynrang, U-17 ki kynthei bad U-17 ki shynrang ki la kut ka jingïaid lynti tang ha ka jingïalehkai quarter-final.