Shillong, Nailur 13 : U Myntri Rangbah ka jylla u Conrad K Sangma u la kular ba ka sorkar kan bishar bniah na ka bynta kumno ban ïarap ïa ki ïing ba la julor na ka jingbthei bom Improvised Explosive Divice (IED).
“ Nga la shim khia ïa kane ka jingai jingmut bad jingpynkynmaw” ong u Conrad haba jubab ïa ka jingkylli jong ka MLA ka East Shillong Constituency I Dr Ampareen Lyngdoh mynta kas ngi da kaba pynpaw ba ka don ka jingjulor jong ka ïing ha ka jingbthei bom ha ïew Laitumkhrah ha ka 10 tarik Nailar 2021.
I la pynkynmaw ba katei ka ïing ka la julor bha ha katei ka jingbthei bom. I la tynsat ïa kane ka jingkylli ha ka kynta kylli bad jubab ha ka por ba ka ïing dorbar ka dang ïatai bad ki jingshah pynjulor ha ki bor mariang.
I la ong ba i kwah ban tip la ka jingjulor na ka jingbthei IED ka hap ne em hapoh ka Disaster Management,u myntri ka tnad u ma Kyrmen Shylla u la ong ba ka jingbthei IED ka dei kaba la thaw bad leh hi da u briew kumta ym tharai ba kan ngat ha ka Disaster Management. Dei ha kum kane ka por ba u Myntri Rangbah u la ong ba un shim khia ïa kane bad kin sa pyrkhat kumno ba leh.
