Shillong, Nailur 12 : Ka Shillong Sports Association ka la pynkylla ïa ka prokram jingïalehkai ba dang sah jong ka OC Blue Shillong Premier League 2021-22.
Katei ka leage ïalehkai jong ka samoi 2021-22 kan kut ha ka 30 tarik Nailur 2022. Ïa baroh ki jingïalehkai yn bteng ban pynlong ha MFA Turf, Third Ground, Polo, Shillong.
Ïa ka por ïalehkai la rah noh sha ka 3:15janmiet lait noh tang na bynta ka jingïalehkai kaba khatduh, kaban sdang naduh ka por 3 baje janmiet khnang ban dup lah ban pyndep ban sam khusnam ha kaba ka Mawlai SC kan sa pdiang ïa ka trophy nam lahduh. Yn sam ruh ka khusnam song pisa ïa ka kynhun ba wan ba ar kata hapdeng ka Langsning FC bad Rangdajied United FC nalor kiwei kiwei ki khusnam.
Ka jingïalehkai ba bud jong ka OC Blue SPL yn pynlong ha ka sngi balang hapdeng ka Nangkiew Irat SC pyrshah ïa ka Malki SC.
