Shillong, Nailur 6 : Ka National Investigation Agency (NIA) mynta ka sngi ka la pyngnat kyndon ne charge sheet ïa ki sawngut ki nongïalam ka seng HNLC ha kaba ïadei bad ka jingpynbthei bom ha ka jaka sah ki nongtrei ka Star Cement Factory Colony Lane, East Jaintia Hills.
ïa kane ka charge sheet la leit ai hakhmat ka NIA Special Court, Shillong.
Ka seng HNLC haduh mynta ka dang dei ka seng ba la shah kheiñ beaiñ hapoh ka kyndon UAPA 1967.
Ki sawngut ki nongïalam kiba la shah pynngat kyndon ki long u Commander -in- Chief bah Bobby Marwein ba la tip da ka kyrteng sin kum u (Regan Marwein, Wanbor Khardewsaw, Lung bad William) , Nangta u General Secretary uba dei ruh u Publicity Secretary u bah Sainkupar Nongtraw ba la tip da ka kyrteng sin (Deng Deng, Wadborlang nongrum, Wadkupar Nongrum, Rocky Nongrum,) u Emanuel Suchen ba la tip da ka kyrteng sin kum u Shwa bad u Marius Rynjah ba la tip da ka kyrteng sin Hep Koit.
Ka NIA ka la rejiter FIR ha Lumshong Police Station ha ka 13 tarik Nohprah 2022 bad hadien kane ka la rejister FIR biang ha ka 15 tarik Lber 2021.
Ha ka jingtohkit jongka NIA ka la lap ba ïa kane ka jingpynbthei bom la leh da ka seng HNLC namar u trai jongka Star Cement um shym la siew ïa kata ka khajna beaiñ ba ka la dawa lyngba u Marius Rynjah ba tip kyrteng sin Hep Koit uba dei u SS Finance cum Socio Cultural Secretary ka seng HNLC.
