Shillong, Nailar 04 : Ka Lawei Ka Ri Sports Social & Cultural Club Shillong, kan sa rakhe ïa u mawmer dap 20 snem jong ka club da kaba yn pynlong da ki prokram jingïalehkai bapher bapher kaban sdang ha ka 27 tarik Nailur 2022 ha Indoor Sports Hall Mawdatbaki, Mawlai.
Ki jingïalehkai ki kynthup ïa ka Arm Wrestling (Open Mawlai) kaban sdang ha ka 27 tarik Nailur bad ka Carrom Board kaban sdang ha ka 29 tarik Nailur haduh ka 1 tarik Risaw 2022. Ka tarik ba khatduh ban pdiang ïa ki bai rung kan long ha ka 22 tarik Nailur 2022.
Kum ban pynkynmaw hangne ba ïa ka Lawei Ka Ri Sports Social & Cultural Club la seng ha ka 2 tarik Risaw 2002 bad kan sa dap pura 20 snem ha ka 2 tarik Risaw 2022 ha kaba kan sa ïoh ruh ban pyndon burom ïa utei u mawmer ka jingïaid lynti jong ka ha kaban kyntiew ïa ki kam ïalehkai bad kiwei kiwei kiba ïadei bad ka imlang ka sahlang.
