Shillong, Naitung, 02: Watla ka jingdon jong ki nongpang COVID ha Meghalaya ki la nang kiew na ka sngi sha ka sngi, ka Sorkar Jylla ka la peitngor bha khnang ba kan ym don kano kano ka jingktah kumba ka la jia ha ki ar snem ba la leit noh.
U Myntri ka Koit ka Khiah u James PK Sangma ha ka jingïakren bad ki lad pathai khubor u la ong, “ngi la ïohi ïa ka jingkiew jong ki briew kiba pang COVID-19, hynrei ka tnat ka Koit ka Khiah ka la pyrkhing bad tehlakam, bad bun na ki briew kiba la lap ba ki don ïa ka jingpang COVID-19, ki dei tang shu ïohpang malu mala,” ong u James.
U la ïathuh ba ki jaka sumar ïa ki briew kiba pang COVID-19 ka Sorkar ka ladep pynkhreh nadong shadong kum ki Treatment Centre, ki Quarantine Centre, ki Corona Care Centre.
