La pyllait paidbah ïa u khaw bad atta na ki dukan rashon ha EKH
Shillong, Naiwieng 21 : U Deputy Commissioner (Supply), East Khasi Hills District, u la pyntip ba ïa u khaw hapoh ka NFSA (AAY bad PHH), Non-NFSA bad Wholemeal Atta na ka bynta u bnai Naiwieng 2026 la sdang ban sam lyngba ki Fair Price Shops kiba dei peit.
Katkum ka NFSA, ïa u khaw hapoh ka AAY yn sam ha ka jingthew kaba 35 kilo ïa kawei ka card bad ïa ka PHH yn sam 5 kilo ïa kawei ka card khlem jingsiew.
Katba ïa u khaw Non-NFSA yn sam 6 kilo 900 gram ïa kawei ka card ha ka dor kaba T. 12.70 haduh T. 13.00 shi kilo.
Ïa ka Wholemeal Atta yn sam 5 kilo ïa kawei ka card ha ki jaka sor bad 3 kilo ïa kawei ka card ha ki jaka nongkyndong, ha ka dor kaba T. 10.50 shi kilo.
La bthah ïa baroh ki Fair Price Shops ban sdang sam ïa ka bhah jong ki nongïoh jingmyntoi mar ïa poi ki marbam ha ki dukan bad ban pyni paidbah ïa ka thup kyrteng jong ki nongïoh jingmyntoi bad ki por treikam ha ki dukan jong ki.
La kyrpad ïa baroh ki nongïoh jingmyntoi hapoh ka NFSA ban shim ïa ka bhah jong ki kaba la buh shwa ne ha ka 30 tarik u Naiwieng, 2026, bad ban pyndep ruh ïa ka e-KYC jong ki khnang ban pynsuk ïa ka jingsam lyngba ki kor e-POS.
Lada jia kano kano ka jingbym sam ïa ki marbam hapoh ka jingthew ba la buh, ka jingshim pisa palat ïa ka dor ba la buh lane ka jingsam ïa ki marbam kiba duna ka jingbha, lah ban pyntip sha ka ophis jong u Deputy Commissioner (Supply), East Khasi Hills District, Shillong.