Wan sha ka jingïakren ka sorkar ka dang shim ïa ki lad ki lynti kumno ban ïarap ïa ki nonghikai Deficit

0

Shillong, Naiwieng 20: U Myntri Rangbah ka jylla u la khot da ka jingïakren bad ki nonghikai Deficit da kaba ong ba ka sorkar ka dang wad ïa ki lad ki lynti ha kaba ïadei bad ki jingdawa jong ki.
Na ka liang jong u Myntri Rangbah u la kiar ban pynbna ïa kino kino ki jingdawa jong ka Khasi Jaiñtia Deficit School Taechers Association (KJDSTA) hynrei u la khot ïa ki sha ka jingïakren ban pynbeit ïa ki jingeh jong ki hapdeng ka sorkar, ki nonghikai bad ki School Managing Committee ban wad ïa ki lad ki lynti ha kaba ïadei bad ki jingdawa jong ki.
Haba kren halor kane u Myntri Rangbah u la ong ba ka sorkar ka dang wad ïa ki lad ki lynti kumno ban bishar ïa ki jingeh jong ki bad ban wad ruh ïa ki lad kumno ban ïarap ïa ki bad na ka liang jong u ula kyrpad ïa ki ban long kiba ïai shah naba kane ka rukom treikam ka la long naduh ki por kiba mynshwa bad kane ka jingeh ka dang don sah haduh mynta ha kaba ka sorkar ka hap ban shim ïa ki sienjam kumno ban ïarap ïa ki.

Leave A Reply

Your email address will not be published.