Shirta jingim hukum set phatok ïa u kurim ba pynïap ïa ka lok ba armet

0

Nongstoiñ, Naiwieng 20: Ka Ïingkashari District & Session Judge ka West Khasi Hills, ka la hukum ban set phatok shirta jingim katba dang im, kata ïa u Biangkupar Nongsiej ba la kynnoh ba pynïap ïa la ka jong ka kurim kaba dang armet ha ka thaiñ Nongstoiñ.
Katkum ka jingpyntip jong u Superintendent of Police ka West Khasi Hills, kane ka jingjia ka la jia ha u bnai Rymphang 2024. Halor kane ka jingjia, u kpa jong ka lanot ba shah pynïap u la ujor da ka ejahar, ba u Biangkupar la kynnoh ba u la pynïap ïa ka khun jong u, kaba dang sdang ban armet ha katei ka por ba jia kane ka jingjia.
Halor kane, na ka liang ki Pulit ki la register ïa ka case ha Nongstoiñ P.S. hapoh ka kyndon 302 IPC bad ïa ka jingtohkit la khlieh da ka WPSI Batlariti Dkhar. Hadien ka jingtohkit bad ka jinglum ïa baroh ki sakhi satar, ka Investigating Officer ka la aiti ïa ka chargesheet pyrshah ïa une u briew hapoh ka kyndon 302 IPC.
Na ka liang ka Ïingkashari ha ka 18 tarik Naiwieng 2026, haba bishar ïa baroh ki sakhi, ka la rai pynrem ïa u Biangkupar Nongsiej bad hukum ban set along shirta jingim katba u dang im lem bad ka jingsiew ïa ka kuna kaba T.1 lak.

Leave A Reply

Your email address will not be published.