Pynrem jur ka UDP State Youth Wing ïa ki kyntien “Kruin bad Sohpyut” u Bah Prestone

0

Shillong, Naiwieng 18: Ka State Youth Wing jong ka United Democratic Party (UDP) ka pynpaw ïa ka jingpynrem kaba jur halor ki jingkren pynjah burom bad bym ïahap satia kiba la kren da u Symbud Myntri Rangbah u Bah Prestone Tynsong ha ka 12 tarik u Naiwieng ha Pongtung, Pynursla, ha kaba la khot ïa ki nongïakhih skul “kruin” bad ki “sohpyut”.
Katkum ka kyrwoh na u Bah Auguster Jyrwa uba dei u Chief Youth Organiser u la ong ba ki nonghikai kim dei ki kruin.Ki nonghikai ki long ki nongtei ïa ka imlang sahlang jong ngi.Uwei pa uwei u Myntri, uwei pa uwei u MLA, uwei pa uwei u Doktor, Engineer bad Ophisar mynta ka sngi ki dei ka jingmih na ka jingaiti lut jong u nonghikai.Ban khot kruin ïa ki ka long kum ban pynjah burom ïa ka imlang sahlang u Hynñiewtrep baroh kawei bad ïa ka lawei jong ka Jylla Meghalaya.
Ha ka jaka ban sngap ïa ki da ka jingsngewrit, u Deputy CM u la jied ban kren bein ïa ki da ki ktien pynjah burom.Ka jingpynshai jong u hadien ba u mut tang “katto katne ki nonghikai” kam pynphai biang ïa ka jingsniew.Ka long kaba ym ïahap ïa u briew uba bat ïa ka kam kaba ar ha ka Jylla.
Na ka liang jong ka UDP State Youth Wing ka dawa ka jingpanmap paidbah mardor na u Bah Prestone Tynsong sha ka kynhun nonghikai baroh kawei.Kaba ar, Ka Sorkar Jylla kadei ban khot ïakren mardor bad ka KJDSTA bad ban ai ïa ka jingdawa jong ki.
Ka mat kaba lai ka long ba baroh ki Minister kin bat ïa ka burom bad ban burom haba ki kren shaphang ki nonghikai bad ki khun samla.Ngi ieng ha ka jingiatylli kaba pura bad ki nonghikai deficit.Ngi maham ïa ka Sorkar – wat tynjuh ïa ka jingiaishah jong ki samla bad ki nonghikai ka Meghalaya.

Leave A Reply

Your email address will not be published.