Ban ïada ïa ka ñiangkhnap yn ai tika ka ophis jong u SDO A H Veterinary ïa ki masi ha EWKHD

0

Mairang, Naiwieng 17: Na ka bynta ban ïada ïa ki masi na ka jingmih ñiang ka ophis jong u Sub-Divisional A.H & Veterinary Officer ka Eatern West Khasi hills ka la pyntip paitbah ba kan don ka jingai tika ia ki masi kiba dang shait dang khlain ha baroh ki shnong kiba hap hapoh Eastern West Khasi Hills district.
Katei ka jingai tika ka long na ka bynta ban ïada na ka jingsaphriang jong katei ka jingpang ñiang khnap bad ñiang thylliej ïa baroh ki masi la ki dei ki masi ba shu set ha sem ne ki masi ba sharai sha lum.
Ha kajuh ka por na ka liang ka ophis ka pynkynmaw ruh ba ka jingpang ñiangthylliej bad ñiangkhnap ka kath haduh katta katta ïa ka jingkoit jingkhiah jong ki masi namar haba ki mih ñang thylliej kim lah shuh ban bam da ki bun bun sngi bad wat da ki taïew ruh umta ki masi ki kylla raikhoh bad ki lah ban ïap ruh lada ym biang ka jingsumar bad lada ki mih ñiangkhnap kin ym lah shuh ban ïaid namar ka jingshitom ha ki khnap kjat bad ki lah ban don ksuid shapoh bad boi ksaiñ ruh.
Ban tehlakam bad ban rat dyngkhong ïa ka jingsaphriang jong ka jingpang Niang- Khnap bad Niang-Thylliej kaba ktah bha ïa ka koit ka khiah jong ki jingri kum ki masi.
Kumta na ka liang ka ophis ka la kyrpad bad kyntu ïa baroh ki nongshong shnong ba kin ïa snohkti lang bad ka Ophis bad ba kin iarap ha ka ban iathuh bad pyntip lem sha ki para shnong para thaw kiba ri masi bad ba kin ïaleh ban pynbiang ïa ka jingai tika bad ba kin shah ruh ban ai tika ia ki masi jong ki khnang ba ki masi kin lait na ka jing shitom bad jng kem raikhoh. Ka ophis ka pyntip ruh ba na ka bynta ka jingleit ai tika ïa ki masi ha ki shnong kan sa ai jingtip lyngba ki rangbah shnong bad ki nongshong shnong kiba ka ophis ka ithuh ithaw.

Leave A Reply

Your email address will not be published.