Ka lympung ASEAN ka dei ha ka dohnud ka Act East Policy ka India ong u Myntri Rangbahduh ka ri
New Delhi, Naiwieng 17: Mynta ka sngi shuwa ban leit sha Manila na ka bynta ban ïashim bynta ha ka jingïalang jong ka ASEAN-India Summit ba 23 bad ka East Asia Summit ba 21 ka ban long ha ka 17 tarik Naiwieng, 2026, ha ka jingshah khot sngewbha ha u President, u Ferdinand R. Marcos Jr.
Katba ka jingïadei bad ki Ri ASEAN ka dei ha ka dohnud jong ka Act East Policy jong ka India bad ka don ha ka jaka kaba biang ha ka jingthmu MAHASAGAR. Ki jingïatehlok, ka long ha ka jingïathung ha ki spah snem jong ka jingïakylliang riti dustur bad jingstad, kila san sha ka jingïatreilang kaba kynsai kaba kynthup ïa ka khaïi pateng, ka jingïasoh lynti, ka jingïada ha duriaw, ka teknoloji bad ka jingïadei hapdeng ki briew.
“Ha katei ka jingïalang jong ka ASEAN-India Summit, nga khmih lynti ban ïatreilang bad ki paralok nongïalam ban pynkhlaiñ shuh shuh ïa ka jingïaid shaphrang jong ka Comprehensive Strategic Partnership jong ngi bad ban ai bor shuh shuh ïa ki jingangnud ba ngi ïasam lang na ka bynta ka jingroi, ka jingïasoh bad ka jingmanbha,” bynrap u Myntri Rangbahduh ka ri u Narendra Modi.
Ka East Asia Summit ka pynbiang ïa kawei ka rynsan kaba kongsan ban ïakren halor ki jingeh jong ka pyrthei bad ka thaiñ. “Nga ap khmih lynti ban ïakynduh bad ïakren bad ki nongïalam ba kin pynkhlaiñ ïa ka roi ka par, ka jingsuk bad ka jingïatylli ha ka thaiñ Indo-Pacific,” u la bynrap.
U Myntri Rangbah u khmih lynti ruh ban ïakynduh bad ki nong India kiba shong basah ha Philippines, kiba ka jingnoh synniang jong ki, ki pynkhlaiñ ïa ka jingïadei paralok hapdeng kine ki ar tylli ki ri.
U shaniah skhem ba kane ka jingleit ïakynduh kan pynkylla thymmai ïa ka bor ha ka jingïatylli bad ka jingïasnoh jong ka India bad ka ASEAN bad kan pynkhlaiñ shuh shuh ïa ka jingkut jingmut lang jong ki artylli ki ri na ka bynta ka shongsuk shongsaiñ, ka jingkmen bad ka jingïai shah baskhem ha ka thaiñ Indo-Pacific.