Mad jingjop ka Lumphyrnai Sohphoh haka TSA Super Division

By Mawphor Editor On Nov 7, 2026

Jowai, Naiwieng 06: Ka Lumphyrnai Sohphoh ka la ïoh mad ïa ka jingjop ha kawei na ki jingïalehkai jong ka lympung phutbol ‘Super Division’ kaba la tip kum ka ‘Kesilroy Memorial Football League 2026’ kaba la long hynne ka sngi Thohdieng (06 tarik u Naiwieng 2026).
ïa kane ka lympung la pynïaid daka Thadlaskeiñ Sport Association (TSA) ha Wahiajer Multi Sports Complex Stadium.
Haba phai sha kane ka jingïakhun Super Division la sakhi ïa ka kynhun jong ka Lumphyrnai Sohphoh kaba la pynliem noh da 2-0 ïaka Nongkhroh Rim.
Hadien ka jingïakhun kaba khlem kol ha ka kylla step ka Lumphyrnai Sohphoh ka la pynkhihjar ar sien ha ka kylla miet lyngba u Welson Suting (47’) bad ka penalty jong u Pynbiangmi Mynsong (59’ P) ban khur ïa ka jingjop.
La pyntip ka jingïakhun ‘Super Division’ ha kane ka sngi 9.11.2026 kan long hapdeng ka Ialong SC pyrshah ïaka Mookyndur SC.

Prev Post

Ka madan phlang plastic ha Domsohphlang ka jingkyrmen ïa ki samla ïalehkai ka thaiñ Markasa Mairang, Naiwieng 06: Ka jingpynbha ïa madan kynjat bol ha Domsohphlang da kaba siang da u phlang plastic ka dang ïaid shait shait mynta bad hadien katto katne bnai yn sa lah ban pyndep. Ka jingïoh jingïarap ïa katei ka madan ka dei lyngba ka jingtrei shitom jong u bah Shakliar Warjri MLA ka Mawthadraishan constituency Eastern West Khasi Hills District u dang bat kum u Myntri ka tnad Sport & Youth Affair ha ka sorkar jylla. Ka jingpynïoh jong u bah Shakliar ïa katei ka madan ka la ong ka jingkyrkhu kaba khraw ïa ki samla jong katei ka thaiñ kaba kynthup ïa ki bun phew tylli ki shnong kiba hap ha ka Mawthadraishan Constituency. Ha kaba ïadei bad ka jingpynbha ïa katei ka madan kynjat bol ha ka jingleit peit jong u nongthohkhubor jong u Mawphor la ïoh ban ïakren bad u bah R.Syrpailin Sohlang sordar ba rim jong ka shnong Markasa uba uba bat mynta kum u saiñ pynïar (secretary) jong ki trai khyndew madan Domsohphlang, u la ïathuh ba ïa katei ka madan la pynbha bad pynbit pynbiang na ka bynta ban siang da u phlang plastic (Artificial turf ) ka la sdang naduh u snem ba la dep bad ka sorkar ka la mang pisa kumba shiphew klur tyngka . U bah Sohlang u la ïathuh ruh ba naduh ba ka jingpyntrei na ka bynta ban pynbit pynbiang nadong shadong ïa katei ka madan ka long kaba sted bad kaba ïaid beit ïaid ryntih bha bha naduh ba sdang ha kaba la pynïaid ïa ka jingtrei da u Chiefe Engineer jong ka State Sport Council jong ka jylla. Ha kaba ïadei bad ki kam pynroi hapoh ka constituency ym lah ban len ba ka jingdon jong u bah Shakliar Warjri kum u nongmihkhmat uba ïatreialang bad ka sorkar ka la long ka jingkyrkhu kaba khraw ïa ka constituency baroh kawei. U la ong ruh ba ka jingtrei shitom jong u ka la long ka jingkyrkhu ym tang ïa ki samla kiba ieit ïa ka sport hynrei ïa ki paitbah ka constituency baroh kawei. Nalor kata u la ong ruh ba ki dang don shibun bah ki kam pynroi bad ki paitbah kiba la ïoh jingïarap na ka sorkar lyngba utei u nongmihkhmat. Ha kajuh ka por u la ong ba wat la um long shuh kum u Myntri hynrei ki kam pynroi ki dang tuid kumjuh hapoh ka constituency baroh kawei

Next Post

Plie u Myntri Rangbah ïa ka jaka siat suloi ha Khliehtyrshi kaba 1.25 klur

Leave A Reply