Donkam ka jingkheiñ jingdiah na ka bynta ban thmu ïa ki skhim bhalang bapher bapher jong ka sorkar: Dr. Shakil Ahammed

Shillong, Risaw 29: Ka jingïalang jong ki ophisar ba kongsan jong ka jingkheiñ briew ha ka kyrdan jong ka jylla & amp; ki ophisar ba rangbah na ka bynta ka Phase-II (Population Enumeration) jong ka Khanasumari 2027 la pynlong ha ka 29 tarik u Risaw 2026 ha ka State Guest House, Taraghar, Meghalaya, Shillong na ka bynta ki ophisar ba hakhlieh duh (Deputy Commissioner), ki ophisar jong ka District Census Officer kiwei pat ki dkhot jong ka ophis jong ka State Level Committee Census jong ka jylla Meghalaya.
U Dr. Shakil P. Ahammed, IAS, Chief Secretary ka jylla Meghalaya u la pynïaid ïa kane ka jingïalang. Ha kane ka State Level Training Conference la wan ban ïashim bynta lang ruh da ka Dr. U Vrushali Abhijit Warade, Deputy Registrar General, ka Ophis jong ka Registrar General & Census Commissioner, India, ka tnad Kam Pohïing ka sorkar India bad kiwei kiwei ki heh ophisar na ka sorkar jylla bad ka Directorate of Census Operations Meghalaya, ka tnad Kam Pohïing.
Ha ka jingkren jong u Dr. Shakil P. Ahammed, IAS, Chief Secretary ka jylla Meghalaya u la pynpaw ïa ka jingdonkam jong ka jingkheiñ jingdiah na ka bynta ban thmu ïa ki skhim bhalang bapher bapher jong ka sorkar. U la kyntu ïa ki ophisar kiba donlang ba kin shim khia ban pynbna paidbah ïa ka jingkheiñ briew (population enumeration) bad ïa ka jingdonkam jong ka khnang ba ki paidbah kin sngewthuh bad kin wan shakhmat ban ïashim bynta ha ka jingkheiñ briew.
Ka Dr. Pooja Pandey, IAS, ka State Nodal Officer na ka bynta ka jingkheiñ briew ka la pynpaw ïa ka jingpyndonkam ïa ka teknoloji ha kane ka jingkheiñ briew digital bad ba kan pynsuk ïa ka jinglum jingtip kaba suk, nalor ba kan pynlong ïa ki jingtip kiba kham thikna bad kham shngaiñ. U State Nodal Officer u la kyntu ruh ïa ki ophisar ban pyndonkam ïa ka bor synshar shnong ha kaba pynbna ban pynsngewthuh ïa ki paidbah shaphang ka jingkheiñ briew.
Katba ka Vrushali Abhijit Warade, Deputy Registrar General, ka Ophis jong u Registrar General & amp; Census Commissioner India, ka tnad Kam Pohïing jong ka sorkar India ka la ai ka jingkren kaba bniah shaphang ki bynta bapher bapher jong ka jingkheiñ briew kaba pynpaw ba ka jingkheiñ briew jong ka ri India ka dei ka kam synshar kaba heh tam ha ka pyrthei. Ka jingïarap pisa bad ka jingstad yn ai da ka sorkar pdeng sha ka jylla na ka bynta ban pyntreikam ïa kane ka kam. Katba Deputy Registrar General la kren slem halor ki jingkylli bad ki jingmut bapher bapher kiba ïadei bad ka kot jingkylli jingkheiñ briew.
Ki jingkren kiba bniah shuh shuh la ai da u S. Chatterjee, u nongpynïaid lang, u B. Basumatary uba long u Deputy Director, u bah Aibor Sanglyne, Deputy Director bad u Bah Donbok Syiemsad na ka tnad Census Operations Meghalaya.
U Bah Aibor Sanglyne, Deputy Director na ka Directorate of Census Operations, Meghalaya u la ai khublei ïa baroh ki nongïashim bynta ha ka jingïalang pynkut bad kyntu ruh ïa baroh ki ophisar ha ka kyrdan district ba kin shim ïa ki sienjam kiba shimkhia ban pynthikna ïa ka jingpynbiang kaba heh tam ha ka jingkheiñ kaban sa wan.