Jowai, Risaw 22 : Ka kynhun ïalehkai phutbol jong ka Khliehriat West YWSC kala jop haduh 17-0 kol ïa Dhana CSC haka jingïaklhun mynta ka sngi 22 tarik Risaw haka kyrdan 1st Division jong ka ‘Thomas Nongtdu Memorial Trophy League 2026’ bala pynïaid daka East Jaiñtia Hills District Football Association (EJHDFA) ha madan Artificial Diengshynrum, Khliehriat.
Haba phai sha ka jingïakhun ïa kitei ki 17 tylli ki kol naka Khliehriat West YWSC la thep saw kol marwei da u Seram Sekho haka minit ba 20, 24, 43 & 51, u Bijoy Suting lai kol haka minit ba 42, 46 & 48, u Lazio Dkhar lai kol haka minit ba 64, 66 & 70, u Teibor Swer haka minit ba 37 & 49, u Pynshe Pakem haka minit ba 83 & 87, u Dao-shwa Chyrmang haka minit ba 47 & 53 bad u Iashah Talang haka minit ba 75.
Da kane ka jingjop jong ka Khliehriat West YWSC kala ïoh ban rung syndon sha ka Quarter Final jong kane ka lympung ïalehkai phutbol.
La pyntip ba ki kynhun kiba la ïoh rung sha ka Quarter Final jong ka 1st Division EJHDFA ki long kumne naka Pool-A ka Khliehriat East YWSC & Musniang SC, Pool-B ka R.Synrangshahkhain SC & Deinshalalu SC, Pool-C ka Ladrymbai Dongwah SWSC & R.Iawpynsing SC bad naka Pool-D ka Khliehriat West YWSC & Lumshnong YWSC.
