Jowai, Risaw 20: Ka Jowai Durga Puja Committee ha ka sngi Balang ka sngi 21 tarik u Risaw kan pynkut ïa ka lehniam Durga Puja da kaba leit ban pynngam um ïa ka blei Durga ha ki bynta ka Wah Myntdu (Syntu Ksiar).
Ka jinglehñiam ki paid riewngeit Hindu naduh ka sngi sdang ha Shiv Mandir Ïawmusiang, Jowai kala long kaba ïaid beit ïaid ryntih, mynta ka sngi kala don ka jinglehñiam pom blang. Hashwa ka jingpom blang kala don ka jingot ïa u pathaw, sohkhia, soh Apple, ka kait bad kaba khadduh ïa ka Blang. Shuh shuh ha kane ka lehniam Durga Puja kala don ka jingshah thngan ha ki ïing ki sem jong ki riewngeit Hindu.
La pynsngew ba ka jingpyndep ïa kane ka lehñiam kan wanrah ïa ka bha ka miat, ka jingïalong kawei bad ka jingkmen ha ka Ri bad ka pyrthei hi baroh kawei. Ïa kane ka juh ka lehniam Durga Puja ha West Jaiñtia Hill la leh kumjuh ha Nartiang kaba dei ka lehniam Durga Puja ki Pnar bad kumjuh ha Dawki.
Na ka liang u Daloi ka Elaka Jowai Puramon Kynjing bad kiwei ki kila leit ban ïashim bynta lang bad leit jngoh ha ïa ka lehniam ha Shiv Mandir bad ai ka jingkitbok kitrwiang ïa ka lehniam Durga Puja kaba jop.
