Shillong, Risaw 16: Ka Shillong Law College ka la pynlong ïa ka prokram Graduation ban ai burom ïa ki samla pule graduate kiba dei ha ki kynhun jong ka BA LL.B. bad LL.B. 2026 hapoh ka college, kane ka prokram ka long ruh ka jingrakhe pyndonburom ïa ki jingjop ha ka pule puthi bad ka jingïaid lynti jong ki samla pule graduate ha kane ka jingpule jong ki.
Ïa kane ka prokram la wan ban donlang da u senior advocate u S. P. Mahanta, Chairman ka Bar Council of Meghalaya, kum u kongsan. Ha kane ka prokram la wan ruh ban shim bynta da kiba shah khot sngewbha kyrpang kiba kynthup ïa u Bah W. Khyllep (Retd. IAS), u Subhasis Chakrawarty (Senior Advocate), ka Tshering Yangi (Additional Advocate General), u Kishore Ch. Gautam (General Secretary, High Court Bar Association), bad u Bah Pyllang Nongbri (Vice-President, High Court Bar Association). U Secretary ka GB, u D.B Gurung, Principal Dr Shariffuddin jong ka Shillong bad baroh ki dkhot bad nongtrei jong ka college
Ka jingdonlang jong ki dkhot kiba paw napoh ka tnat aiñ bad kiba shah khot sngewbha ka la nang bynrap ïa ka jinglong kongsan jong ka prokram, ha kaba la ai mynsiem ïa ki samla pule graduate ban kyntiew ïa ki nongrim jong ka jingbishar hok, ka jingïalong kawei bad ka jingkitkhlieh ïa ka kam.
Kane ka prokram ka la wai noh da ki kyntien ïaroh bad ki jingjop kaba kdew ruh ïa ka jingsdang jong ka lynnong kaba thymmai jong ka kynhun ki samla pule graduate jong ka batch 2026.
