Mairang, Risaw 14 : Ka jingïoh jong ka shnong Nongshilong Eastern West Khasi hills district ïa ka Sub health centre wat la ym shym pat la plie ïa ka namar ki dang don katto katne ki bynta ki bym pat pynbiang kum ka bording, ka um bam um dih bad kiwei kiwei hynrei ka la long pat ka jingkyrkhu kaba khraw ïa ki paitbah nongshong jong ka Nongshilong, Domkseh, Mawroh, Mawkohgnei Umjei bad kiwei kiwei ki shnong kiba don ha katei ka thaiñ.
Wat la ki Sub health centre wat la ki dei ki jaka sumar kiba rit ki bym pat don satia ïa ki doctor kiba trei ha kitei ki centre hynrei ka jingdon jong ki Nurses kiba trei ha kitei ki centre ka la long pat ka jingmyntoi kaba khraw khamtam ïa ki khunlung khynnah bad ki longkmie kiba armet . Ha kaba ïadei bad ka jingïoh ï katei ka sub helath cntre ha Nongshilong na ka liang ki paitbah nongshong shnong haba ïakren bad u nongthohkhubor jong u Mawphor ki la ong ba la slem bha ki la angnud baka Sub health centre kan don ha Nongshilong bad ha kane ka kynti ka jingangnud jong ki ka la urlong bad kida sngew kmen haduh katta katta.
Ki nognshong shnong katei ka thaiñ ki la ong ruh ba wat la ïa katei ka Sub health centre ym shym pat la plie ruh ka la pynhun ïa ki paitbah bad kan ym slem shuh ba u kontraktor uba pyntrei ï katei ka jaka sumar un sa pynbit pynbiang noh ïa ki jingdonkam kiba dang sah .Nalor kata ki la ong ruh ba katei ka jaka ba la tei ïa ka Sub health centre ka long kaba shngaiñ bad kab itynnad bha . Shuh shuh ki la aikhublei ruh ïa ka sorkar bad ka tnad ka koit ka khiah kiba la shimkhia ban pynurlong ïa ka jingangnud jong ki.
