Plie ka Dalmia Cement ia ka 23rd North East Metalliferous Mine Safety Week-2026 ha Meghalaya bad Assam

Shillong : Ka Dalmia Cement (Bharat) Limited ka lah pynlong ia ka jingialang ban plie ia ka 23rd North East Metalliferous Mine Safety Week-2026, kaba iadei bad ki kam ki kam tih mar poh khyndew (mining operations) ha Lumshnong, East Jaintia Hills, Meghalaya bad ha Dima Hasao, Assam.
Kane ka jingialang ka long hapoh ka jingpeit jong ka Directorate General of Mines Safety (DGMS), Guwahati Region, bad kan neh naduh ka 4 tarik haduh ka 10 tarik, Risaw, 2026. Lai kynhun ki nongpeit bniah kin leit jngoh ia ki jaka tih marpoh khyndew ha Meghalaya bad Assam, ban bishar bniah ia ki rukom treikam ha kaba iadei bad ka jingshngain, bad ban lap ia ki bynta kiba donkam ban pynbha.
Kane ka prokram, ka pyniasoh lang ia ki nongtrei bad ki kynhun tih marpoh khyndew, khnang ba kan wanrah ia ka ia jingiasam jingtip, bad ka jinghikai hapdeng ki nongtrei.
La ïohi ia ka jingshimbynta jong 50 ngut ki heh kiba dei peit ia ki jingtih marpoh khyndew bad 17 ngut ki ophisar kiba peit ia ka opencast mines.
Ha ka New Umrangso Limestone Mine, Assam, ki heh kiba don bynta ki dei B. Dayasagar, Director of Mines Safety, Guwahati Region; Shri Ambuj Srivastava, Unit Head; Anil Kumar Ganapurapuwar, HOD – Mines, Dalmia Cement (NE) Limited. Ha DCBL Mine Block III, IV & V, Lumshnong, ki heh kiba ia don bynta ki dei K. Prem Kumar, DDMS; Kamlesh Kumar Verma, DDMS; Pankaj Gupta, Unit Head; Hemant Sharma, HOD – Mines, Dalmia Cement (Bharat) Limited.
U Ambuj Srivastava, Unit Head, Dalmia Cement (NE) Limited, u ong, “Ka jingshngain ha ki kam tih marpoh khyndew ka dei ka jingkitkhlieh jong baroh. Ki prokram kum kane ka ai ia ka lad kaba kongsan ia ka kam tih marpoh khyndew ban iapyniasoh lang, ban ia sam bad ban ia hikai iwei ia iwei.”