Shillong, Risaw 9: Ka sorkar Meghalaya ka la jan pyndep ka jingpynkhreh ban pynkynriah ïa ka Harijan Colony na Them Iew Mawlong, ong u Deputy Chief Minister ba dei peit ia ka tnad pynroi sor u Bah Sniawbhalang Dhar ha ka sngi Palei da kaba bynrap ba ïa ka blueprint ba bniah yn sa pynbna paidbah tang hadien ba la dep ka jingiakren.
Da kaba kyntait ban ïasam ïa ki jingtip ba bniah ha kane ka por, u Bah Dhar u la ong,”Ka dei ka sobjek jong ka jylla, kumta ngan batai ïa phi ha ka por kaba biang, ym mynta.Kane ka dei ka sobjek jong ka jylla.Ngi la dep ka jingïalang ha ka taiew ba la dep, kumta ngi la jan poi sha ka ba kut, ym dei ban shu ‘kheiñ ne guess’ hynrei ha ka por kaba kloi katba lah, kata ka dei ban pyndonkam .”
U la ong ba ïa ka blueprint ym pat lah ban pynpaw katba ka jingiakren ka dang ïaid.
“Ynda kiei kiei ki la kut ha kaba kut phin sa iohi ïa ka blueprint, ngam lah ban ai ïa ka blueprint namar ka jingiakren ka dang ïaid shakhmat”, u la ong.
